Султанбек Аманбек: Мени маалыматка жетүү мыйзамы тынчсыздандырып жатат. Анда бийликтин кайсы бутагы болбосун маалымат бербей коюуга укугу бар экени жазылган. Азыр бул мыйзамды даярдоо кайсы этапта?
Семетей Аманбеков Юстиция министрлигинин өкүлүнө "ЖМК тууралуу мыйзамды иштеп чыккан топто бир да медиа тармагынын өкүлү жок, эмнеге киргизген эмессиңер?" деген суроо берди.
Бүгүн, 30-сентябрда Кыргызстандагы медиа өкүлдөрү маалымат каражаттары тууралуу мыйзамдарга өзгөртүү киргизүү маселесин талкуулап жатат.
Анда "Маалымат каражаттары тууралуу", "Журналисттин кесиптик ишин коргоо жөнүндө", "Телеберүү жана радиоберүүлөр тууралуу" жана "КТРК тууралуу" мыйзамдарга өзгөртүү киргизүү боюнча өкмөт тарабынан түзүлгөн эксперттик топтун сунуштары каралып жатат. Медиа эксперт Семетей Аманбеков анда "ЖМКлар жөнүндө" мыйзам күчүн жоготту деген билдирүүлөргө кошулбай турганын айтып, медиа мыйзамдарга өзгөртүүлөрдү киргизүү боюнча сунуштардын иштелип чыгуусун мезгилсиз деп белгиледи:
"Биз бул каршы пикирибизди медиа мыйзамдарын өзгөртүүнү сунуштап, талкуулап жаткан эксперттик топко жибердик. Бул өзгөртүүлөр Кыргызстандагы сөз эркиндигине шек келтирет. Бул мыйзамдарды журналистикадан алыс адамдар талкуулап, жокко чыгарууну сунуштап жатканы кейиштүү".