Кыргызстан социал-демократтар партиясынын бир нече өкүлү Борбордук шайлоо комиссиясынын алдына нааразылык акциясына чыгышты.
Алар шайлоо таза өтпөгөнүн айтып, анын жыйынтыгын жокко чыгууну талап кылууда.
КСДП партиясынан Бишкек шаардык кеңешине талапкер болгон Темирлан Султанбеков бир нече партияны - «Эмгек», «Ынтымак», «Ак Бата» жана НДПК партияларын добуш сатып алган деп сындады. Алар алган добуштардын жыйынтыгын жокко чыгарып, калган добуштарды кайрадан эсептеп чыгыш керек деген оюн билдирди. Аталган партиялардын өкүлдөрүнөн КСДПнын дооматы тууралуу комментарий алууга мүмкүн боло элек.
Темирлан Султанбеков: Аскар Салымбеков "Эмгек" партиясында жок, шайлоого катышкан жок. Бирок шайлоо бүтө электе "биз Нариман Түлеевди мэр кылабыз" деп жатат. УКМК бул үчүн дароо камашы керек аны.