10-апрелде Кыргызстанда жергиликтүү кеңешке депутаттарды шайлоого жана Конституциянын жаңы редакциясын кабыл алууга байланыштуу референдумга көчмө добуш берүү болду. Ага 17 099 адам добуш берүүчү катышты, алардын 4 миң 990у Бишкек шаарынан.
Мыйзам боюнча шайлоо тилкесине келе албагандар арыз менен кайрылып, бир күн мурда үйүндө добуш берсе болот.
Добуш берүүдөн соң НДПК, "Реформа" жана "Республика" партиялары Бишкек шаарындагы көчмө добуш берүүнүн жыйынтыгын жокко чыгарууну талап кылып, аймактык шайлоо комиссиясына арыз менен кайрылышты.
Кыргызстандын элдик демократиялык партиясы (НДПК) өз арызында добуш берүү Бишкектеги добушканаларда бирдей уюштурулбай, майыптыгы бар адамдар же жашы улгайгандар эмес, башка эле адамдар катышканын, добуш бергендерди ким экени белгисиз бирөөлөр коштоп жүргөнүн жазып, 10-апрелдеги добуш берүүнү тыкыр иликтөөнү талап кылган билдирүүсүн социалдык тармактагы баракчаларында таркатты.
"Реформа" партиясы мыйзам бузуулардын баарын байкоочулар каттап алганын белгилеп, аймактык шайлоо комиссиясынан добуш сатып алууга жана шайлоочуга басым жасоого тиешеси бар партияларды шайлоодон чететтүүнү талап кылган билдирүү жарыялады.
Бишкек аймактык шайлоо комиссиясына "Республика", "Кыргызстан социал демократтары", "Улуу Журт", "Ак Бата" партиялары алдын ала добуш берүүнүн жыйынтыгын жокко чыгаруу тууралуу арыз менен кайрылышты.
Кыргызстанда бүгүн 11-апрелде жаңы конституциянын долбоору референдумга коюлат жана жергиликтүү кеңештерге шайлоо өтөт.
Бул күнү өлкөдөгү 448 аймакта, же болбосо 28 шаардык жана 420 айылдык кеңештин депутаттары шайланат.
Шаардык кеңештерге шайлоо пропорционалдык система менен өтөт, анда талапкерлер партиялык тизме аркылуу гана ат салыша алышат.
Бишкек шаарындагы алты добушканада 10-апрелде көчмө добуш берүүнүн жыйынтыгы жокко чыгарылды. Бул тууралуу "Азаттыкка" Бишкек шаардык аймактык шайлоо комиссиясынын төрагасы Кайрат Маматов билдирди.
"Республика" партиясынын арызы менен кечээ беш добушканадагы шайлоонун жыйынтыгы жокко чыгарылды. Андан кийин социалдык медиада дагы башка партиялардын арыздары да жарыяланып, дагы бир тилкедеги добуштарды жокко чыгардык", - деди Маматов.
10-апрелде Кыргызстанда жергиликтүү кеңешке депутаттарды шайлоо менен катар Конституциянын жаңы редакциясын кабыл алууга байланыштуу референдумга көчмө добуш берүү жүрдү. Ага 17 099 адам добуш берүүчү катышты.
Добуш берүүдөн соң НДПК, "Реформа" жана "Республика" партиялары Бишкек шаарындагы көчмө добуш берүүнүн жыйынтыгын жокко чыгарууну талап кылып, аймактык шайлоо комиссиясына арыз менен кайрылышты. Кыргызстандын элдик демократиялык партиясы (НДПК) өз арызында добуш берүү Бишкектеги добушканаларда бирдей уюштурулбай, ага майыптыгы бар адамдар же жашы улгайгандар эмес, башка эле адамдар катышканын, добуш бергендерди ким экени белгисиз бирөөлөр коштоп жүргөнүн жазып, 10-апрелдеги добуш берүүнү тыкыр иликтөөнү талап кылган билдирүүсүн социалдык тармактагы баракчаларында таркатты.
"Реформа" партиясы мыйзам бузуулардын баарын байкоочулар каттап алганын белгилеп, аймактык шайлоо комиссиясынан добуш сатып алууга жана шайлоочуга басым жасоого тиешеси бар партияларды шайлоодон четтетүүнү талап кылган билдирүү жарыялады.
Бишкек аймактык шайлоо комиссиясына "Республика", "Кыргызстан социал демократтары", "Улуу Журт", "Ак Бата" партиялары да жеринен добуш берүүнүн жыйынтыгын жокко чыгаруу тууралуу арыз менен кайрылышты.
Кыргызстанда бүгүн, 11-апрелде жаңы Конституциянын долбоору референдумга коюлат жана жергиликтүү кеңештерге шайлоо өтүп жатат.
Бүгүн, 11-апрелде өтүп жаткан жергиликтүү кеңештерге шайлоодо жана Конституциянын жаңы редакциясына байланыштуу референдумда өлкөдөгү добушканалардын, шайлоочулардын коопсуздугун 11 миң милиция кызматкери көзөмөлдөп жатат.
Тартип сакчылары добуш берүүнүн жүрүшүн, шайлоо тилкелериндеги кырдаалды карап, коомдук тартипти жөнгө салып турушат.
Ал эми Борбордук шайлоо комиссиясы коронавирус шартына байланыштуу добуш берүүдө санитардык эпидемиологиялык коопсуздукка да көңүл бурулганын билдирди. Мекеме добушканалар маал-маалы менен тазаланып, шайлоочулар бир эшиктен кирип, башка эшиктен чыгып жатканын маалымдады.
Мыйзам бузууларга байланыштуу шайлоочулар үчүн 1255 кыска номери иштеп жатат. Кыргызстандын бардык аймагында жергиликтүү шайлоо жана референдумда добуш берүү үчүн шайлоо тилкелери саат 08:00дө ачылды.
11-апрелде 448 кеңештин, анын ичинде 28 шаардык жана 420 айылдык кеңештин депутаттары шайланат.
Ушул эле күнү президенттик башкарууга ыктаган Конституциянын жаңы долбоору референдумга коюлат.