Кумтөр боюнча сүйлөшүүлөр жүрүп жатат. "Центерранын" өкүлдөрү Кыргызстанга барбайбыз, сүйлөшөбүз деп сунуштаган. Бизден Жапаров, Ташиев, Зулушев, Бөлтүрүк барып, "Центерранын" сунушу боюнча сүйлөшүү өткөрдү. Биз аны карап жатабыз, анын жыйынтыгын кабарлайбыз.
Криминал боюнча: Мындан ары андай болбойт. Биздин аларды тыйганга эркибиз да, күчүбүз да жетет.
Садыр Жапаров: Камчыбек Ташиевдин резиденцияда жашашына мен уруксат бергем. Ал кооптуу иштерди жасап жатат, ошондуктан анын коопсуздугу маанилүү. Иштей бер, бирок коопсуздугуңа карабайм десең мамлекет үчүн эч ким иштебей коет.
Орхан Инанды боюнча: Биз бийликке келгенге чейин Ош тарапка алып барып салып бергенге аракет болгон экен. Октябрь окуяларынан кийин да аңдуулар болуптур. Өзү да билет экен. Камчыбек Ташиев жаныңа сакчы алып жүр деп айткан экен. Эми ошондой болуп калды. Бирок бизде эле эмес коңшу мамлекеттерде деле ФЕТО уюмуна тиешеси бар деген кишилерди алып кеткен экен.