Дастан Бекешев: "Ханституция" элдин шору болот
Рыскелди Момбеков: Азыркы Конституциянын автору ким? Ээси ким, мээси ким? Айтып койгулачы? 1-мартта кирген документте 65 депутаттын колу турат? Дүйнө салган депутат да кол коюптур, ал кантип кол койду. Кубанычбек Жумалиев түрмөдө жатат, ал кантип кол койду?
Бул долбоор Бөрүбашевдин колу, инструкциясы менен кирди. Элди алдабагыла. Бир дагы депутаттын аты жок кирди. Талант Турдумаматович, 20-январдагы жарлыгыңызды окуп коюңуз. Аталышы эки башка. Эртең бул депутаттар секирет, "мен кол койгон эмесмин" деп. Элдин талабы деп жатасыңар, элдин атынан бир кайрылуу киргизгилечи. Элдин талабы курултай болчу. Элди "кидайт" эттиңер, бизди дагы "кидайт" эттиңер.
Каныбек Иманалиев: Конституциялык палатанын корутундусу жок болсо кантип кабыл алабыз? Парламент сунуш бериши мүмкүн, кабыл ала албайт.
Жогорку Кеңештин депутаты Дастан Бекешев парламенттеги 3-марттагы жыйынында Конституциянын жаңы долбоорун жазган авторлорду тааныштырууну талап кылды.
Мыйзам долбоору боюнча баяндама жасаган депутат Бактыбек Турусбеков авторлордун бири өзү экенин, бирок башкалар тууралуу маалымат бере албастыгын айтты. Ал парламенттик аппараттын техникалык кызматкерлери авторлор тууралуу маалыматты кагаз жүзүндө таратарын билдирди.
Анын алдында депутат Жанарбек Акаев да ушундай маселе көтөргөн.
Конституциянын долбоорун жана референдумду дайындоо боюнча мыйзам долбоору парламенттин 3-марттагы сессиясында талкууланууда.
Депутаттар Дастан Бекешев, Ирина Карамушкина Баш мыйзамдын жаңы долбоорунда элдин эркин чектеген жоболор бар экенин билдиришип, "кийин маселе жаралса ким жооп берет?" деген суроо коюшту.