Жогорку Кеңештин «Ата Мекен» фракциясынын депутаты Сайдулла Нышанов мурдагы президент Курманбек Бакиевди парламенттик шайлоодо кантип утуп чыкканын жана андан кийин чоң саясатка аралашып бийликтин басымына кабылганын «Бийлик сырлары» көрсөтүүсүндө айтып берди. Ошондой эле ал 2010-жылдан кийин саясаттагы чоң өзгөрүүлөр жөнүндө кеп кылып, кийин президент Атамбаевге «Эл баатыры» наамын ыйгаруу боюнча демилге көтөрүп, аны колдоп чыкканынын себептерин түшүндүрүп берди. Депутат Сайдулла Нышанов чынында анын бийликти тынчтык жолу менен өткөрүп бергенин кубаттаганын айтып, бирок анын соңку кадамдарын «экс-президенттин жүрүм-турумуна жатпайт» деп сынга алды.