Бүгүн парламентте Мариповго ишеним көрсөтпөө демилгеси көтөрүлгөн. Депутаттар сугат суу тартыш болуп, дыйкандардын чарбасы күйүп жатканын, азык-түлүктүн баасы күн сайын өсүп баратканын айтып, суроолорго Мариповдун өзү жооп беришин талап кылышкан. Эгерде ишти жөндөй албаса аны кызматтан кетирүү сунушу да айтылган.
Агрардык комитеттин жыйынында да анын дарегине кескин сын айтылган.
Марипов кызматтан кетүүгө жана айтылып жаткан көйгөйлөр үчүн жоопкерчилик алууга даяр экенин билдирген, бирок “Бири-бирибизди чукулап, кызматтан алуудан маселе чечилбейт” деп айткан.
Улукбек Марипов: Маселе менде болсо азыр кеткенге даярмын, бирок иштен алуу маселени чечпейт
Министрлер кабинетинин төрагасы Улукбек Марипов парламентте ага ишеним көрсөтпөө тууралуу демилгеге жооп кайтарып, кызматтан кетүүгө жана айтылып жаткан көйгөйлөр үчүн жоопкерчилик алууга даяр экенин билдирди. Ал 17-июнда агрардык комитеттин жыйынында депутаттардын суроолоруна жооп берип жатып:
“Эгер маселе менде болсо мен азыр кеткенге даярмын. Мен деле жыргап, ырахат алып иштеп жаткан жерим жок. Кыйынчылык болуп жатат, биз уктабай иштеп жатабыз. Биздин максат – маселени чечүү. Президентибиз Кумтөрдөн баштап бардык маселени коюп жатат, биз аракет кылып жатабыз”, - деди.
Жогорку Кеңештин депутаттары сугат суу маселеси жана антикризистик чаралар боюнча 17-июнда парламентке маалымат берүү үчүн министрлер кабинетинин төрагасы Улукбек Марипов өзү келбегенине нааразы болушкан. Бир катар депутаттар Кыргызстанда сугат суу тартыш болуп, дыйкандардын чарбасы күйүп жатканын, азык-түлүктүн баасы күн сайын өсүп баратканын айтып, суроолорго Мариповдун өзү жооп беришин талап кылышкан.
Депутат коңшуларга сууну сатуу демилгесин көтөрдү
Жыйын учурда депутаттар кер-мур айтышканга чейин барды