Айрым активисттер сөз эркиндигинин күчү менен бийликке келгендер кайра сөз эркиндигине каршы иштеп жатканын эске салышты.
Депутат Гүлшат Асылбаева маалымат тууралуу мыйзамды 2020-жылы да сунуштаган.
Рита Карасартова: Жогорку Кеңештин күн тартибине бул маселе кирбептир. Менимче эртең чукул жыйынган чогулуп, иштөө мөөнөтүн дагы эки жумага узартабы деп жатам. Негизи дүйнө жүзүндө фейктерге кантип минтип күрөшпөйт. Кармап, камап дегендей. Биздин "чоң байкебиз" болгон Орусияда дагы бул мыйзам иштеген жок. Өнүккөн мамлекеттерде болгону билимдин сапатын көтөрөт. Билимдүү адам кайсы маалымат жалган, кайсы маалымат чын экенин өзү эле айырмалап билип алат. Менимче бул мыйзамды өткөрүшөт. Анткени Конституция өзгөрдү, жеке бийликке жол ачылды. Парламент тараганча ошол бийликке ыңгайлуу бир катар мыйзамдарды кабыл алып бергени жатат.