Таштандыдан биогаз алган ишкер

Бишкек шаарынын тургуну Алексей Веденев 20 жылдан бери тамак-аш калдыктарын кайра иштетүү менен алектенет. Анын ишканасы биогаз технологиясын жасайт. Веденев шаардагы айрым ашканалардан тамак-аш калдыктарын чогултуп, алардан биогаз жана жер семирткич чыгарат. Азырынча өндүрүлгөн газ жана жер семирткич ишкердин өзүнүн керегине жарайт. Алексей Веденев келечекте ушул сыяктуу кайра иштетүү ишканаларын куруу киреше булагы жана таштанды маселесин чечүү жолу деп эсептейт.