Ишембиде Жалал-Абад шаарында нааразылык акция улантылды. Облустук бийликтин имаратын ээлеп алган митингчилерге өкмөттүн өкүлдөрү сыртынан көз салууда. Акимиаттын короосунда жылкы эти асылып, катышуучуларга ысык тамак берилди. Шаардыктар бул көрүнүшкө ар түрдүү пикирде. Акциянын уюштуруучулары нааразылыкка катышкандардын саны эки миңдей десе, байкоочулар 300гө чамалаш адам болгондугун айтышты.
