"Президентти сотко беребиз"
Бүгүн Ак үйдүн алдында укук коргоочулар Азиза Абдирасулова жана Төлөйкан Исмаилованы коргоо акциясы өттү. Аны уюштурган жарандык коом өкүлдөрү менен бирге иш-чарага эки укук коргоочу өздөрү да катышты. "Кылым шамы" укук коргоо борборунун жетекчиси Азиза Абдирасулова президентти сотко бере тургандыктарын айтты. Аларга Ак үйдөн чыгып, эч жолуккан жок. 14-майда президент Алмазбек Атамбаев Энелер күнүнө карата куттуктоо айтып жатып "Элдик парламенттин" мүчөлөрүн "туруктуулукту бузгусу келген эл бузарлар" деп атап, алардын жыйынына катышкан укук коргоочуларды грантын актагысы келген бейөкмөтчүлөр деп атаган.