Акматбек Келдибеков: Курултайдагы сындар эске алынышы керек. Убагында эки жолу бийлик алмашканда сынды эске алган эмеспиз.
Курултай Конституцияда каралган саясий институт болуп эсептелет. Кыргыз эли аз эл болгону менен кылымдар бою сакталып келаткан элбиз. Биздин Башкы мыйзам кыргыздын үрп-адатын камтыганда гана толук кандуу Конституция болуп эсептелет.
Акматбек Келдибеков: Мамлекеттик органдарда жоопкерчилик болбой жатат. Акыркы алты жылда Кумтөрдөн 120 тонна алтын казылып кетти. Кумтөр боюнча келишимди эч коркпой туруп дененсациялоо керек эле. "Кыргызгаз" да элдин байлыгы. Биз мамлекеттүүлүктү унутуп жатабыз. Биз ошол мамлекеттин өзөгүн түзгөн байлыктардан айрылып жатабыз.
Жарандык активист Айбек Мырза: Бул парламент Сапар Исаковду шайлаган. Азыркы премьер-министр Мухаммедкалый Абылгазиевди шайлады. Депутаттардын ишине да баа берилиши керек. Жалаң бизнесмендер келип алып, үн чыгаргандан коркуп отурушат.
Айбек Мырза: Сооронбай Жээнбековдун да кемчиликтери бар. Бул киши сындан коркпошу керек. Кадр саясатын терең ойлонуп жүргүзбөсө болбойт.