Алты жылда 36 апрелчи каза болду
2010-жылдын 7-апрелиндеги ыңкылапта жаракат алагандардын 36сы каза болду. Бул тууралуу “Айкөл Ала-Тоо” коомдук бирикмесинин жетекчиси, КСДП фракциясынын депутаты Мээрбек Мискенбаев “Азаттыкка” билдирди.
Анын айтуусунда, буга чейин октон жаракат алгандардын 35и каза болсо, кечээ Кочкор районунда дагы бир Апрель баатыры көз жумду.
2010-жылдын 6-7-апрелиндеги элдик ыңкылапта кызматтан оодарылган Бакиевдик бийлик огунан 87 адам окко учуп, 300дөн ашыгы ар кандай жаракаттарды алышкан. Бүгүн мына ушул кандуу окуялардын 6 жылдыгы эскерилүүдө.
Апрель окуясынын алты жылдыгына арналган "Азаттыктын" "Ыңгайсыз суроолор" берүүсү
Апрель ыңкылабы максаттарына жетип жатабы? Талкууга коомдук ишмер Эмилбек Каптагаев жана журналист Нарын Айып катышты.
Нарында апрелчилер ыңкылап максатына жетпегенин айтышты
Алты жыл мурда бийлик алмашууда мерт болгондор Нарында да эскерилди. Иш-чараны калаа мэриясы уюштурду. Ага ыңкылапка катышкандар жана “Апрель революциясынын баатыры” наамын алгандар келип, төңкөрүш дагы эле өз максатына жете электигин белгилешти. Эскерүү алгач жөө жүрүш менен башталып, андан соң облус башчысы уюштурган көкбөрү менен улантылды.
Өкмөттүн Нарын облусундагы өкүлчүлүгүнүн маалыматы боюнча 2010-жылы 7-апрелде Ак үй алдында нарындык 25 адам мерт кетип, 71 адам жарадар болгон. Кийинчерээк сегиз адам октон алган жараатынан каза тапкан.