Жогорку Кеңештин депутаттары Эльвира Сурабалдиеванын социалдык маселелер боюнча вице-премьерликке талапкерлигин жактырышты. Буга чейин бул кызматты Аида Исмаилова ээлеп келген.
Бүгүн, 28-октябрда биринчи вице-премьер-министр Артем Новиков депутаттарга Сурабалдиеванын талапкерлигин сунуш кылган.
Депутаттар Сурабалдиеванын талапкерлигин жактырышты.
Дастан Бекешев: - Пандемия күчөп турган июль айында өкмөт өтө жаман иштеди. Эл нааразы болгон. Сиз өзүңүзгө кандай баа бересиз, кандай иштедиңиз? Ошол маалда кайда болдуңуз?
Аида Исмаилова: - Мен оор учурда келдим, күнү-түнү иштедим, жумушта түнөдүм. Жасаган иштерим социалдык тармактардагы баракчаларымда бар. Эл үчүн жакшы иштеп бердим деп айта алам.
Дастан Бекешев: - Ошол маалда сиз шайлоого катышпайм деп, кайра шайлоого бардыңыз. Эми кайра шайлоого катышасызбы?
Аида Исмаилова: - Министрликке эл үчүн иштегени келатам. Ушул жерде элге пайда алып келейин дедим. Эртең эмне болорун билбейбиз.
Дастан Бекешев: - Өкмөт июлда абдан начар иштеди. Сиз да координация кыла алган жоксуз. Ошол маалда эч кимди таппай калдык. Садыр Жапаров башка кадрды тапса болмок.
Аида Исмаилова: - Саламаттык сактоо тармагы 30 жылдан бери талкаланган абалда келатат. Биз ошондой кырдаалда вирус менен күрөштүк.
Акылбек Жапаров: - Премьер-министр Садыр Жапаровдун мени иштен бошотуу тууралуу чечимин сыйлайм, кыргыз элинин кызыкчылыгы үчүн кабыл алгандыр, бул чечимге баш ийем.
Кечээ президенттин милдетин аткарып жаткан премьер-министр Садыр Жапаров кеңешчиси, Жогорку Кеңештин депутаты Акылбек Жапаровду кызматтан алганын билдирген.