Улуттук оппозициялык кыймылдын тынчтык митингдери Бишкектеги Горький атындагы сейил бакта өттү. Мындан тышкары Жалал-Абад, Ош жана Каракол шаарларында да эл чогулду.
Бүгүн оппозиция тынчтык митинги өтөөрүн бир апта мурун жарыялаган.
Кыргызстанда жаңы оппозициялык кыймыл түзүлдү (14.02.2014)
Бириккен Улуттук оппозициялык кыймыл деп аталган бирикмеге “Улуттар биримдиги”, “Ата-Журт”, “Чындык”, “Акыйкат”, Элдик демократиялык партиясы жана “Эл үнү”, “Каршылык көрсөтүү” кыймылдары кирди. Кыймылдын төрагалыгына Жогорку Кеңештин депутаты Равшан Жээнбеков шайланды. Кыймыл учурдагы бийликтин авторитардык саясатына каршы иш жүргүзмөкчү.
Улуттук оппозициялык кыймыл түзүлгөндөн тарта алгачкы ирет өткөргөн маалымат жыйынында анын мүчөлөрү бийликке каршы активдүү аракетке өткөнүн жарыялады.
Кыргызстанда коомдук-саясий кырдаалга тынсызданган, оппозициялык күчтөрдү кескин айыптаган кайрылуулар күн сайын чыга баштады. Бир катар коомдук бирикмелер, айрым улуттардын ассоциациялары, коомдук, маданий ишмерлер жана окумуштуулар тобу өлкө жетекчилерин Украинадагыдай окуяларга жол бербөөгө, өлкөдөгү туруктуулукту камсыздоого чакырууда.
Оппозицияны айыптагандар эл Саруудагы кырдалга тынчсызданып жатканын айтууда. Сүрөттө: Саруудагы митинг, Ысык-Көл облусу, 26-ноябрь, 2013.
