"Ипотекага 4 миңдей адам кезекте турат"
“Азаттык” Мамлекеттик ипотекалык компаниясынын башкармалыгынын төрайымы Элмира Абжапарованы кепке тартып, компаниянын тегерегиндеги соңку чуулар, «Жеткиликтүү турак жай» программасынын айланасындагы кептер тууралуу сурады. Мунун алдында компаниянын эмгек жамаатынын айрым өкүлдөрү президентке кайрылуу жолдоп, кыскартууга дуушар болуп жатканын даттанышкан. Катта ошондой эле ипотекалык компания Нарын менен Бишкекте курган үйлөр кымбат чыгып калганы, долбоор тендерсиз кабыл алынганы жана мекеме мындан ары курулуш иштеринен четтеп жатканы баяндалган.
