Кажы-Сайдагы чакан "Лувр"
Мындан бир канча жыл мурда тамтыгы чыгып, каралбай калган эски имарат бүгүн туристтерди тарткан керемет сүрөт музейге айланды. Ысык-Көл облусунун Тоң районуна караштуу Кажы-Сай айылындагы бул эски имаратка живопистин мастери, Кыргыз эл сүрөтчүсү Юристанбек Шыгаев жан берди. Белгилүү сүрөтчү ачкан жеке музейдеги экспонаттар менен “Азаттык” радиосу таанышып чыкты. Музейдин 15 көргөзмө залы бар жана анын ичинде эки миңден ашык эмгек турат. Бул керемет жайда Кытайдын, Орусиянын, Германиянын, Түркиянын, Тажикстандын, Молдованын жана Өзбекстандын белгилүү сүрөтчүлөрүнүн эмгектери коюлган.