Рак тооруган балдарга мээрим керек

Бишкектеги Бакен Кыдыкеева атындагы жаштар театры ракка чалдыккан балдар тууралуу “Кат-кагаз учактар” спектаклин көрсөтө баштады. Анда ооруп калган жеткинчек ички кыялдары менен бөлүшүп, балалык, өмүр, өлүм тууралуу ой толгойт. Спектаклден түшкөн каражат "Жардам берүү оңой" фондуна которулат. Иш-чаранын башкы максаты - айыккыс ооруга чалдыккан балдардын көйгөйүнө коомчулуктун көңүлүн буруу.