Тарыхта 1939-жылы башталган Экинчи дүйнөлүк согуштун алкагындагы Улуу Ата Мекендик согушка (1941-1945-жж.) Кыргызстандан 360 миңден ашуун адам аттанган. Алардын 114 миңден ашыгы кайтпай калган, 56 миңден көбү дайынсыз жоголгон. Экинчи Дүйнөлүк согушта 50 миллиондон ашык адам каза тапкан. Анын 27 миллиону мурдагы СССРдин жарандары болгон.
Жеңиш, карантин жана эскерүү
Экинчи дүйнөлүк согуштагы Жеңишке 75 жыл толду. Жыл сайын 9-майда белгиленчү маараке бул ирет коронавирус пандемиясына байланыштуу шаан-шөөкөтсүз өтүүдө.
1
Быйыл Кыргызстан 9-май Жеңиш күнүн карантин шартында тосуп жатат.
2
9-майда Бишкек шаарында Жеңиштин 75 жылдыгынын урматына митинг-реквием өттү.
3
Президент Сооронбай Жээнбеков баштаган бийлик өкүлдөрү Жеңиш аянтындагы Өчпөс отко гүл коюп, согушта курман болгондорду бир мүнөттүк аза күтүү менен эскеришти.
4
Тарыхта 1939-жылы башталган Экинчи дүйнөлүк согуштун алкагындагы Улуу Ата Мекендик согушка (1941-1945-жж.) Кыргызстандан 360 миңден ашуун адам аттанган. Алардын 114 миңден ашыгы кайтпай калган, 56 миңден көбү дайынсыз жоголгон.
5
Иш-чарага Жогорку Кеңештин төрагасы Дастанбек Жумабеков, премьер-министр Мухаммедкалый Абылгазиев, Жогорку соттун төрайымы Гүлбара Калиева, экс-президент Роза Отунбаева, Башкы штабдын башчысы Райымберди Дүйшөнбиев катышты.
6
Президент Сооронбай Жээнбеков Өчпөс отко гүл коюп жатат.
7
Жеңиш аянты. Жыл сайын 9-майда Бишкекте "Өлбөс полк" акциясы өтүп, Жеңиш аянты шаардыктарга жык-жыйма толчу. Быйыл коронавирус пандемиясына байланыштуу акция токтотулуп, жеңиш майрамы шаан-шөөкөтсүз өтүүдө.
8
Оорукта калган кыргызстандыктар фронтко өз ыктыяры менен жөнөткөн каражаттардын эсеби ушул күнгө чейин толук такталып бүтө элек. Айрым маалыматтарда кыргыз жергесинен 200 миллион рублден көп акча, жүздөгөн вагон азык-түлүк, жылуу кийимдер жөнөтүлгөнү айтылып жүрөт.
9
150 миң ашуун кыргызстандыктар кан майданда көрсөткөн эрдиги үчүн орден, медалдар менен сыйланган. 72 кыргызстандык Советтер союзунун баатыры деген наамга ээ болушкан.
10
Бүгүн Улуу Жеңиштин 75 жылдыгын Жалал-Абад шаарынын тургундары көп кабаттуу үйлөрдүн балкондорунда карантиндик эрежелерди сактаган шартта белгилешти.
11
Шаардын көчөлөрүндө ата-бабалардын эрдигин даңктаган ырлар жаңырып, жашоочулар согушка катышкан жакындарынын сүрөттөрүн көтөрүп турушту.
12
Согуш ардагерлери “Айры-Там айылынын тургуну Насирдин Нармырзаев менен Баймак айылынын жашоочусу Аскар Хайдаров быйыл 94 жашка толушту. Жеңиш күнүндө Ала-Бука районунун мекеме ишканаларынын жетекчилери жана Балтагулов менен 1-май айылдык кеңешинин депутаттары эки ветеранга автоунаа белеке беришти. Ардагерлер менен катар орукта эмгектенген энелерге да сый белектер тапшырылды.
13
Жалал-Абад шаарынын мэри Мураталы Тагаев жана шаардык кеңештин төрагасы Айбек Джолдошевдер шаардыктарды Жеңиш күнү менен куттукташты.
14
Жалал-Абад шаарында 2 согуш ветераны, 1 конслагер туткуну жана 2 оруктун ардагери калды.
15
9-май Жеңиш күнү Ош шаарында да белгиленгени менен шаардын башкы аянты бош турду.
16
Ош шаарында согуштун алты жана тылдын 15 ардагери калган.
17
Экинчи дүйнөлүк согушта 50 миллиондон ашык адам каза тапкан. Анын 27 миллиону мурдагы СССРдин жарандары болгон.
18
«Өчпөс от» мемориалдык комплексинде өткөн гүл коюу аземине облус жана шаар жетекчилери, Орусиянын шаардагы консулу жана облустук жана шаардык милициянын башчылары катышты.
19
Ош шаарындагы «Өчпөс от» мемориалдык комплекси.
20
Оорукта калган кыргызстандыктар фронтко өз ыктыяры менен жөнөткөн каражаттардын эсеби ушул күнгө чейин толук такталып бүтө элек. Айрым маалыматтарда кыргыз жергесинен 200 миллион рублден көп акча, жүздөгөн вагон азык-түлүк, жылуу кийимдер жөнөтүлгөнү айтылып жүрөт.
