"Кыргызстан" партиясынын мүчөсү Талант Мамытов сот БШКнын чечими жокко чыкканын журналисттерге билдирди. Мамытов сот "мыйзамга туура келген жана адилеттүү чечим" чыгарганын айтты.
Бишкектин административдик соту «Кыргызстан» партиясынын Борбордук шайлоо комиссиясына (БШК) каршы жазган арызын канааттандырды.
27-августта ишти судья Чолпон Досмамбетова карап, ушундай чечим чыгарды.
Алгач ачык башталган отурумда чечимди угузууга журналисттер киргизилген жок.
Отурумдан соң кабарчылардын суроолоруна партиянын өкүлү Талант Мамытов жооп берип, "БШКнын чечими жараксыз деп табылды. Биз эми шайлоого катышабыз", - деди.
"Ата Мекен" партиясынан шайлоого аттанган Тилек Токтогазиев соттун чечими мыйзамсыз экенин айтып, нааразыларды БШКнын алдына мөөнөтсүз митингге чыгууга чакырды.
Борбордук шайлоо комиссиясы (БШК) "Кыргызстан" партиясына карата Бишкектин административдик соту чыгарган чечимге макул эмес.
Мекеменин төрайымынын орунбасары Абдыжапар Бекматов билдиргендей, партиянын арызын четке кагуу үчүн сотто негиздүү далилдер бар болчу. БШК коллегиялык орган болгондуктан, мүчөлөрү кеңешип жогорку инстанцияга кайрылуу маселесин талкуулашат.
Бишкектин административдик соту «Кыргызстан» партиясынын БШКга каршы жазган арызын канааттандырды. 27-августта ишти судья Чолпон Досмамбетова карады.