БШК 24-августта партиялардан тийиштүү документтерди кабыл алууну жыйынтыктап, 17 партия эрежелерди аткарганы расмий кабарланган. Бирок документ тапшырууда мыйзам бузган деген негиз менен «Кыргызстан» партиясынын документтери 25-августта артка кайтарылган.
«Кыргызстан» БШКнын чечимине каршы Бишкектин административдик сотуна кайрылып, 27-августта судья Чолпон Досмамбетова партиянын арызын канааттандырган. Бул чечимге каршы болгон БШК Жогорку сотко арызданган. Боршайкомдун арызын кароо боюнча сот жараяны 1-сентябрда саат 16:00дө башталды.
Бишкектин административдик сотунун алдында өтүп жаткан митинг.
Учурда сотту кайтарып турган милиция кызматкерлери жараянга катышууну каалаган журналисттерди имаратка киргизбей жатат.
Журналисттер сотко катышуу үчүн имаратка кирди. Аларга "Кыргыpстан" партиясынын мүчөсү Талант Мамытов жооп берип, сот БШКнын чечимин жокко чыгарат деген үмүтү бар экенин билдирди.
