БШК 24-августта партиялардан тийиштүү документтерди кабыл алууну жыйынтыктап, 17 партия эрежелерди аткарганы расмий кабарланган. Бирок документ тапшырууда мыйзам бузган деген негиз менен «Кыргызстан» партиясынын документтери 25-августта артка кайтарылган.
«Кыргызстан» БШКнын чечимине каршы Бишкектин административдик сотуна кайрылып, 27-августта судья Чолпон Досмамбетова партиянын арызын канааттандырган. Бул чечимге каршы болгон БШК Жогорку сотко арызданган. Боршайкомдун арызын кароо боюнча сот жараяны 1-сентябрда саат 16:00дө башталды.
Сотко байкоочу катары келген "Реформа" партиясынын лидери Клара Сооронкулова мыйзам бузуу болгонун, аны териштирүүгө негиз жок экенин айтты.
Соттун имаратынын сыртында турган башка партиялардын жактоочулары «"Кыргызстан" кетсин» деп кыйкырып жатышат.
