Сооронбай Жээнбеков: Шайлоо калыс, адилет болот. Эл кимге добуш берсе, ошол адамдар келет. Шайлоого жакын бардык саясий күчтөр аракет кыла баштайт. Бардык мүмкүнчүлүктү колдонушат. Бирок мен шайлоону калыс өткөрүүгө аракет кылам. Мен азыр партияда эмесмин. Мурдагы партиялаштарымды көрүп жүрөгүм сыздайт. Алар мага "эмне кылабыз?" деп келип жатат. Мен аларга "мага ишенбегиле, мурдагыдай каражат бере албайм. Өзүңөр аракет кылгыла" деп айтып жатам. 9% чек боюнча маселени келе жаткан жылы карап чечебиз. Болбосо бул маселе саясатчыларды, коомду бөлө тургандай. Парламентте каралып, чечилиши керек.
5-каналга, "Азаттык" радиосуна, "Кабар" агенттигине микрофон берилди.
- автор Бакыт Асанов
Сооронбай Жээнбеков: Сөз эркиндиги боюнча биздикиндей эркиндик көп жерде болбосо керек. Каалагандай жазып атасынар, эч ким тыйган жок. Мен ЖМК эркиндигин коргойм, коргоп келгем. Бирок эркиндик дагы абдан чоң жоопкерчилик. Аны ар ким эле көтөрө албайт. Эң негизгиси ар бирибиз мыйзамды так сактаганды үйрөнүшүбүз керек.
- автор Бакыт Асанов
Сооронбай Жээнбеков: Чек араны Өзбекстан менен тактоо иши жакшы кетип жатат. Келишимдин 85 пайызына кол коюлду. Өкмөт башчылары жолугушту. Бул жаатта иштердин жакшы кеткени өзбек президенти Мирзиёевдин салымы деп билем. Тажикстан менен оор болуп жатат. Эки жыл мурда сүйлөшүү токтоп калган. Биз эми тажик президенти менен сүйлөшүүнү баштадык. Алмашчу жерлерди алмашалы, чек араны чечели, эл менен кеңешели деп жатабыз. Иштер жүрүп жатат, бирок биз каалагандай болбой жатат. Чек ара маселесине этият мамиле кылышыбыз керек. Мен бул маселе боюнча күндө иштейм. Баткенден кабар алып турам. Ачыгын айтканда, минада отургандай эле болуп жатабыз.