Инаугурацияны Борбордук шайлоо комиссиясынын төрайымы Нуржан Шайлдабекова ачты. Садыр Жапаров кудайдын жана элдин алдында ак иштей турганын айтты.
Садыр Жапаровго төш белгини жана штандартты БШКнын төрайымы Нуржан Шайлдабекова тапшырды.
Садыр Жапаров: Биз Азиянын Швейцариясы болууну кыялдандык эле.
Садыр Жапаров Кыргыз Республикасынын президентинин кызматына расмий түрдө киришти.
Кыргызстандын алтынчы президенти Садыр Жапаровдун инаугурациясына миңдей киши – мыйзам чыгаруу, сот, аткаруу бийликтеринин өкүлдөрү, экс-президенттер жана чет өлкөлөрдүн, эл аралык уюмдардын Кыргызстандагы өкүлчүлүктөрүнүн жетекчилери чакырылганын маалымдаган.
10-январда өлкөдө мөөнөтүнөн мурда президенттик шайлоо өтүп, ага 17 талапкер катышкан. Шайлоого келген элдин 79,20% Садыр Жапаровго добуш берген. Жапаровдун иш бөлмөсү Өкмөт үйүндө болот. Мурдагы президенттер учурда Жогорку Кеңеш жайгашкан имаратта иштеп келген. Эгемен Кыргызстандын тарыхында ушуну менен тогузунчу жолу президенттик инаугурация өттү.
