Байсалов: Жээнбековго мандатты эл берди

Президенттик шайлоодогу элдин тандоосуна баш ийип, жаңы шайланган президент Сооронбай Жээнбековду колдош керек. Мындай пикирин коомдук ишмер Эдил Байсалов “Азаттыктын” 2х1 форматындагы суроолоруна жооп берип жатып билдирди. Байсалов ошондой эле жеке өзүнүн коомдук-саясий турмуштагы ордуна, президент Алмазбек Атамбаевдин, Убактылуу өкмөт мүчөлөрүнүн ишмердигине, өз ара мамилесине, адам укуктарына, жарандык коомдун миссиясына байланышкан суроолорго да жооп берди.