Казакстанда уруксат берилбеген митингдерге катышкан 100дөй адам кармалды. Бул тууралуу Борбордук шайлоо комиссиясынын жыйынынын жүрүшүндө Казакстандын ички иштер министринин орун басары Марат Кожаев билдирди.
Москвада 600 дөн ашуун казакстандык добуш берди. Москва шаарында жана Москва облусунда 250 миңдей казакстандык бар. Москвадагы Казак элчилигинин имаратында ачылган шайлоо бекетинде добуш берүү жараяны тынч өтүп жатат. Бул тууралуу Москвадан Лазат Жаныбек кызы айтып берет.
Казакстанда шайлоочулардын 65 пайыздан ашыгы добуш берди
Казакстанда мөөнөтүнөн мурда өтүп жаткан президенттик шайлоодо жергиликтүү убакыт боюнча саат 16:00гө карата жалпы шайлоочулардын 65,9 пайызы добуш берди. Борбордук шайлоо комиссиясы билдиргендей, Актөбө облусунда добуш берүүчүлөр жигердүүлүгүн көрсөтүүдө. Бул аймакта шайлоочулардын дээрлик 80 пайызга жакыны добуш берип үлгүрдү. Жалпысынан 17 аймактын ичинен Нур-Султан (49,6 %) жана Алматы (45,7 %) шаарларында гана шайлоочулардын катышы 50 пайызга жете элек.
Казакстанда 11 миллион 800 миңден ашуун шайлоочу добуш берүүгө укуктуу. Өлкөнү дээрлик 30 чукул убакыт башкарган Нурсултан Назарбаев катышпаган биринчи шайлоодо жети талапкер, алардын ичинде утурумдук президент Касым-Жомарт Токаев да ат салышууда.
Жекшембиде Нур-Султан, Алматы жана Чымкент шаарларында президенттик шайлоону бойкоттоого чакырган ондогон адамдар кармалганы белгилүү болду.
Казакстандын ички иштер министринин орун басары Марат Кожоев бул күнү өлкө боюнча жүзгө чукул адам «уруксатсыз митинг уюштурган» деген негиз менен кармалганын ырастады.
Казакстанда мөөнөтүнөн мурда өтүп жаткан президенттик шайлоодо жергиликтүү убакыт боюнча саат 16:00гө карата жалпы шайлоочулардын 65,9 пайызы добуш берди. Нур-Султан, Алматы жана Чымкент шаарларында президенттик шайлоону бойкоттоого чакырган ондогон адамдар кармалганы белгилүү болду. Толугураак Нур-Султан шаарынан кабарчыбыз Бакыт Асанов айтып берет.
