Акылбек Жапаров: Билим берүү тармагы төртүнчү баскычта болушу керек. Геологду окуткан окуу жайдын өзүнүн лабораториясы жок. Мектеп деген бул таланттуу балдар менен таланттуу мугалимдер жолуккан жер. Биз ошол таланттуу мугалимдерди жоготуп алдык. 40-60-жылдары бизге еврей мугалимдер келген. Ошолор Медакадемияны, Политехти түптөгөн. Биз ошондой шартты кайра түзүшүбүз керек.
Кытай - Кыргызстан - Өзбекстан темир жолун Нарын облусунун аймагынан Макмал аркылуу Жалал-Абад облусунан Өзбекстанга чейин куруу сунушталууда. Бул тууралуу Министрлер кабинетинин төрагасы Акылбек Жапаров маалымат жыйынында билдирди. Анын айтымында, дал ушул маршрут ыңгайлуу деп каралып жатат. Өкмөттүн башчысы мындан сырткары Орусия менен бирге Кара-Кече - Кочкор - Балыкчы жолунун курулушун баштоо пландалып жатканын билдирди.
"Бул темир жолдун курулушун баштоого экономика өзү түрткү болот. Бул долбоордун акыркы маршруту аныкталган соң эл алдына чыгарабыз", - деди Жапаров.
Акылбек Жапаров: Өкмөт дыйкандардын бир да жерине көз арткан жок. Болгону арендага алган жерлердин мөөнөтү бүтсө, үрөн чарбаларын түзөлү деп жатабыз. Бизде үрөндүн сапаты түшүп кетти. Ошол жерге үрөн өстүрүшсүн, аларга эч ким тийбейт.
Акылбек Жапаров: Өткөн жылы 840 миң кагаз сатып алган экенбиз. Быйыл мамлекет башчы баш болуп электрондук документке өтүп жатабыз. Менин жашым улуу, калемсап менен жазганга көнүп калыпмын. Ошол себептүү кагаз менен иштегенге уруксат беришти. 1-июнга чейин электрондук документке менен иштегенди үйрөнүүгө аракет кылып жатам.