Акылбек Жапаров: Кумтөр менен сүйлөшүү бүтсө эле, алтынды сатуу үчүн good delivery лицензиясы кайтарылат деп үмүттөнөм.
20 жыл ичинде биз дүйнөнүн артта калган машинесинин баарын алып бүттүк. Оң рулдуу автоунаалардын көбөйүшүнө каршымын. Биз машинелердин баарын электрге өткөрүүгө аракет кылышыбыз керек.
Акылбек Жапаров: 8 млн. сомго чейин кирешең болсо сага эч ким тийишпейт, андан ары болсо мамлекетке берип туруу керек. Биз этти кимден алып жатабыз деп жатабыз. Миң бука багып сатып жаткан кишиден салык алалы, базарда эт сатып отурган кишиге тийбей эле коелу. Товардын эсеби керек да бизге. Жетим-жесирлердин куну - бул салык.
Министрлер кабинетинин төрагасы Акылбек Жапаров Кумтөр кени боюнча журналисттердин суроосуна жооп берип жатып, "Центерранын" акциясын 44,3 млн. долларга сатып кеткен фактыга мурдагы президент Аскар Акаевдин туугандарынын тиешеси бар экени аныкталганын билдирди.
"2003-жылы "Центерра" компаниясы түзүлгөндө австралиялык бир компания акцияларды алып, ошону 44,3 млн. долларга сатып кеткен. Ошонун аягы биринчи президенттин (Аскар Акаев - ред) туугандарына келип такалган. Аны 2012-2013-жылы Башкы прокуратура дагы териштирип далилдеп берген. Аялынын жакын туугандары качып жүргөн экен, алар дагы тастыктады. Кимиси күнөөлүү, күнөөлүү эмес экенин сот улам чечим чыгарып берип жатат. Эгер Кумтөрдү кыргыз элине алып бергенде президенттердин тагдыры мынчалык кейиштүү болмок эмес", - деди өкмөт башчы.
Акылбек Жапаров Аскар Акаев өзү келип, муну мойнуна алып, коррупциялык элементтер болгонун айтканы үчүн азыр "Центерра" менен сүйлөшүүлөр жылып жатканын белгиледи.
"Мени үчүнчү ирет президенттер суранып жатат. Мен аягына чыгара алам. "Кумтөрдөгү" механизмдерди, тагдырын билем. Буга чейин "алтынды көрсө периште дагы адашыптыр" деп президенттер адашып жүргөн. Аларды туурап "крыша" болуп келишкен, азыр аны Камчыбек Ташиев жойгондуктан бюджетке 31 млрд. сом ашыкча түшүп жатат", - деди ал.
Акылбек Жапаров: Бишкек шаарына 15 мектептин курулушун ушул жылдын жаз айынан баштаганы турабыз.