Коронавируска каршы республикалык ыкчам штабдын 7-сентябрдагы маалыматына ылайык, соңку бир суткада өлкө боюнча инфекциядан үч киши каза тапты.
Жалпысынан коронавирустан каза болгондордун расмий саны 2557 адамга жетти.
Соңку бир суткада вирус дагы 100 адамдан табылды. Көбү Бишкек шаарында (40). Андан кийин Чүй (26) жана Ысык-Көл облусу (19) турат. Ошто катталган эмес, калган аймактарда вирусту жуктургандардын саны 2-4 кишиге чейин.
Кыргызстанда коронавирус пандемиясы башталган 2020-жылдын март айынан бери COVID-19 жуктуруп алгандардын жалпы саны 176 682 кишиге жетти.
Алардын 788и ооруканада жатат, дагы 1139 бейтап үйдөн дарыланууда. Бир суткада 121 адам айыгып чыкты. Оорудан сакайып чыккандардын жалпы саны 170 745 киши.
Европа Биримдиги АКШда коронавирустун жайылышына байланыштуу зарыл болбосо океандын ары жагына каттабай турууну сунуш кылды.
Маалыматтарга караганда, коронавирустун «дельта» штаммына чалдыккандар АКШнын түштүк тарабында көп катталып, жалпысынан вирус өлкөнүн бардык аймагында жайылып жатат. Ошондой эле бир суткада көз жумгандардын орточо саны да көбөйүп баратат.
Евробиримдиктин сунушу эч нерсеге милдеттендирбейт жана ар бир өлкө АКШдан келгендерди кандай шартта киргизүүнү өзү чечет.
Июнда туристтик сезондун алдында шаркет америкалыктардын кирип-чыгышына чектөөнү алып салган. АКШ болсо Европага зарыл болбосо каттабай турууну эскерткен чараларын сактап калган.
Брюссел ошондой эле Израилди, Косовону, Ливанды, Монтенегрону жана Түндүк Македонияны саякаттоого «коопсуз» делген өлкөлөрдүн тизмесинен чыгарды.
АКШдагы Жонс Хопкинс университетинин маалымат базасы дүйнөдө 217 миллион кишиге коронавирус жукса, 4,5 миллиондон ашуун бейтап андан көз жумганын көрсөтөт.
Коронавируска каршы республикалык ыкчам штабдын 31-августтагы маалыматына караганда, Кыргызстанда бир суткада коронавирустан төрт киши каза болду.
Жалпысынан өлкөдө коронавирустан каза болгондордун расмий саны 2 528 адамга жетти.
Соңку бир күн ичинде вирус дагы 145 адамдан табылды. Өлкөдө бул оору жуккандардын расмий катталган жалпы саны 175 714 адамга жетти.
Бир күндө 360 адам айыгып чыкты. Азыр ооруканада 1 071 адам жатат, дагы 914 бейтап үйдөн дарыланууда. Жалпы айыккандардын саны 169 777 киши.
Бир миллиондон ашык киши эмделди