Непалда Кыргызстандын футбол боюнча олимпиадалык курамасынын оюнчулары (U-23) мелдеш алдында алгачкы машыгууларын өткөрүштү.
Бул тууралуу Кыргызстандын футболдук биримдиги маалымдады.
Өлкөнүн жаштар курамасынын оюнчулары (U-23) Непалда башталуучу "Үч улуттун кубогу" мелдешине катышуу үчүн 21-мартта учуп кетишкен.
Бул курама топто 23 жашка чыга элек футболчулар ойнойт.
Алардын тизмесин бул жактан көрүңүз.
Кыргызстан 23-мартта Бангладештин улуттук курамасы менен беттешет.
Андан кийин Непал менен ойномокчу.
Буга чейин бул эл аралык мелдешке Кыргызстандын футболдук биримдиги өлкөнүн жаштар курамасын жиберүү чечимин кабыл алышкан. (TSh)
Дагы караңыз
