Текебаев шайлоого катышпайт, "Ата Мекенди" Акаев баштайт
Өмүрбек Текебаев парламенттик шайлоого катышпай турган болду. Бул тууралуу «Ата Мекен» партиясынын лидери 17-августта Бишкекте өтүп жаткан партиянын жыйынында билдирди. Ал мындай кадамын партияда жана саясий талаада жаштарга жол бошотуу максаты менен түшүндүрдү. “Ата Мекенди” парламенттик шайлоого Жогорку Кеңештин депутаты Жанарбек Акаев баштап барат. Ал аталган партиянын катарына 5-июнда кошулган.