Азия кубогу: Кыргызстан-БАЭ беттешинин экинчи таймы башталды
Азия кубогунда Кыргызстан менен Бириккен Араб Эмираты командаларынын оюнунун биринчи бөлүгү 1-1 менен аяктады. “Ак шумкарлардан” голдун автору 26-мүнөттө Мирлан Мурзаев болду. Бириккен Араб Эмираттары Кыргызстан менен оюндун 13-мүнөтүндө гол киргизип, эсепти ачкан.
Кыргызстандык футбол баяндамачылардын айтымында, оюн дээрлик тең деңгээлде жүрүп жатат. Беттештин башында талаанын ээлери үстөмдүк кылып жатканы байкалган.
1/8 финалдык оюндар 20-январда башталган. Андан утуп чыккандар чейрек финалда ойношот. 5-январда башталган Азия кубогу 1-февралда жыйынтыкталат.
Кыргызстан Азия кубогуна биринчи жолу катышып жатат. Тайпадагы алгачкы оюнунда кыргыз футболчулары Кытайдын командасына 2:1, экинчи оюнунда Түштүк Кореяга 1:0 эсебинде утулуп калган. Ал эми филиппиндиктерди 3:1 эсебинде утуп финалдын 1/8 бөлүгүнө чыгышкан.
Азия кубогу: Бириккен Араб Эмираты Кыргызстанга дагы бир гол киргизди
Кыргызстан менен БАЭ оюнунун экинчи таймынын 85 – мүнөттөрүндө талаанын кожоюндары “ак шумкарларга” дагы бир гол киргизди. Ошентип, 1:2 эсебинде Бириккен Араб Эмираттарынын командасы утуп жатат.
Учурда беттешүү курч мүнөздө жүрүүдө. Кыргызстан командасы бир нече чабуул жасап, бирок алар ийгиликсиз болууда.
Азия кубогу: Кыргызстан 91-мүнөттө эсепти теңеди
Кыргызстан менен БАЭ оюнунун экинчи таймынын 91 – мүнөтүндө талаанын кожоюндарына “ак шумкарлар” дагы бир гол киргизди. Ошентип, 2:2 эсебинде командалар тең келе жатышат.
Командаларга учурда кошумча убакыт берилди.
1/8 финалдык оюндар 20-январда башталган. Андан утуп чыккандар чейрек финалда ойношот. 5-январда башталган Азия кубогу 1-февралда жыйынтыкталат.