“Эже-сиңдилер” берүүсү жылды жыйынтыктаган чыгарылышына Асел Ногойбаеваны, Шайырбү Сагынбаеваны жана Толгонай Солтонованы чакырды. Кулак-мурду мурдагы күйөөсү тарабынан кесилген Асел Ногойбаева 2023-жылы зордук-зомбулукка каршы күрөштүн символуна айланды. Би-Би-Синин 2023-жылдагы дүйнөнүн эң таасирдүү жана шыктандырган 100 айымынын тизмесине Кыргызстандан Шайырбү Сагынбаева кирген. Ал рак оорусуна чалдыккан кыз-келиндерге кол өнөрчүлүк кылып жардам берип келет. Кемпир-Абад иши үчүн камалган жарандык активист Айбек Бузурманкуловдун жубайы Толгонай Солтонова бир жылдан бери беш баласын жалгыз багып келет.