Капитолийдин тепкичтеринде орнотулган аянтчага шайланган вице-президент Камала Харристин үй-бүлө мүчөлөрү келишти. 56 жаштагы Харрис ант бергенде бул кызматтагы биринчи аял жана ак расадагы эмес саясатчы катары тарыхка кирип калат.
Алардын аркасынан Жо Байдендин балдары менен неберелери келишти.
Вице-президент Майк Пенс жубайынын коштоосунда келди. Президент Доналд Трамптан айырмаланып, Пенс инаугурацияга катышууну чечкен.
АКШнын экс-президенти Билл Клинтон жана жубайы, мурдагы мамлекеттик катчы Хиллари Клинтон Байдендин инаугурациясына келишти.