Даниянын башкы прокурору Йүрген Стеен Сөренсен күрт тилинде берүү уюштуруп келген ROJ TV сыналгысына карата кылмыш ишин козгоду. Прокурор ROJ TV АКШ, Евробиримдик жана Түркия тарабынан террордук уюм катары табылган ПККны колдоп келет деп билдирди.
Аталган сыналгы канал дайыма ПККнын мүчөлөрү менен талкууларды уюштуруп, атүгүл террорчулар менен Түркиянын коопсуздук күчтөрүнүн ортосундагы кагылышууларды обого берип келгенин белгилеген прокурор сыналгы каналдын берүүлөрү бул жикчил уюмдун иш-аракеттерин колдоп жатканын билдирди.
Прокурор Сөренсен кылмыш иши ROJ TV менен ПККнын байланышы тууралуу абдан кылдат жүргүзүлгөн иликтөөлөрдүн натыйжасында козголгонун кошумчалады. Маалым болгондой, ПКК чейрек кылымдан бери Түркиянын чыгышында автономияга жетүү үчүн куралдуу күрөш жүргүзүп келет. Бул жаңжалдын жүрүшүндө он миңдеген түрк жарандары өмүрүнөн ажырады.
Расмий Анкара бир нече жылдан бери Дания өкмөтүнөн аталган сыналгы каналды жабуусун талап кылып келди. Бул талап бир нече жолу эки өлкө ортосунда дипломатиялык кризиске себеп болду. Эми даниялык прокурордун кылмыш ишин козгоосун Түркиянын Тышкы иштер министрлиги канааттануу менен кабыл алды. Министирликтин билдирүүсүндө “террорчулукту колдоп, зордук-зомбулукка чакырган маалымат каражаттары козголгон кылмыш ишинин натыйжасында тийиштүү жазаны аларына тилек билдиребиз” деп айтылат. Өкмөттүн басма сөз өкүлү Жемил Чичек буга байланыштуу мындай пикири менен бөлүштү:
- Биз бул канал террордук уюмдун колдоочусу экенин, үгүт жүргүзүп жатканын, ошол себептен Түркияда төгүлүп жаткан канда анын да салымы болгонун жана анын токтотулуусу зарыл экенин көптөн бери билдирип келдик. Бирок ушу тапка чейин биздин бул даттанууларыбызды эч ким назарга албады. Биз бийликке келген учурдан бери террорго каршы көп кырдуу күрөш жүргүзүп жатабыз. ROJ TV маселенин бир бөлөгү гана. Европада колдонулган маң заттын көпчүлүк бөлөгү ПКК аркылуу ташылууда. Мындайча айтканда Европа өз балдарын ПКК аркылуу ууландырып жатат.
Кылмыш иши козголгон ROJ TV сыналгысынын Данияда станциясы жок, бирок ал өлкөдөн алган лицензия менен обого чыгып келет. Британия жана Франция мындан бир канча жыл илгери берүүлөрүнө тыюу салгандан улам аталган сыналгы 2005-жылдан тарта Даниянын лицензиясы менен берүүлөрүн уюштура баштаган.
Аталган сыналгы канал дайыма ПККнын мүчөлөрү менен талкууларды уюштуруп, атүгүл террорчулар менен Түркиянын коопсуздук күчтөрүнүн ортосундагы кагылышууларды обого берип келгенин белгилеген прокурор сыналгы каналдын берүүлөрү бул жикчил уюмдун иш-аракеттерин колдоп жатканын билдирди.
Прокурор Сөренсен кылмыш иши ROJ TV менен ПККнын байланышы тууралуу абдан кылдат жүргүзүлгөн иликтөөлөрдүн натыйжасында козголгонун кошумчалады. Маалым болгондой, ПКК чейрек кылымдан бери Түркиянын чыгышында автономияга жетүү үчүн куралдуу күрөш жүргүзүп келет. Бул жаңжалдын жүрүшүндө он миңдеген түрк жарандары өмүрүнөн ажырады.
Расмий Анкара бир нече жылдан бери Дания өкмөтүнөн аталган сыналгы каналды жабуусун талап кылып келди. Бул талап бир нече жолу эки өлкө ортосунда дипломатиялык кризиске себеп болду. Эми даниялык прокурордун кылмыш ишин козгоосун Түркиянын Тышкы иштер министрлиги канааттануу менен кабыл алды. Министирликтин билдирүүсүндө “террорчулукту колдоп, зордук-зомбулукка чакырган маалымат каражаттары козголгон кылмыш ишинин натыйжасында тийиштүү жазаны аларына тилек билдиребиз” деп айтылат. Өкмөттүн басма сөз өкүлү Жемил Чичек буга байланыштуу мындай пикири менен бөлүштү:
- Биз бул канал террордук уюмдун колдоочусу экенин, үгүт жүргүзүп жатканын, ошол себептен Түркияда төгүлүп жаткан канда анын да салымы болгонун жана анын токтотулуусу зарыл экенин көптөн бери билдирип келдик. Бирок ушу тапка чейин биздин бул даттанууларыбызды эч ким назарга албады. Биз бийликке келген учурдан бери террорго каршы көп кырдуу күрөш жүргүзүп жатабыз. ROJ TV маселенин бир бөлөгү гана. Европада колдонулган маң заттын көпчүлүк бөлөгү ПКК аркылуу ташылууда. Мындайча айтканда Европа өз балдарын ПКК аркылуу ууландырып жатат.
Кылмыш иши козголгон ROJ TV сыналгысынын Данияда станциясы жок, бирок ал өлкөдөн алган лицензия менен обого чыгып келет. Британия жана Франция мындан бир канча жыл илгери берүүлөрүнө тыюу салгандан улам аталган сыналгы 2005-жылдан тарта Даниянын лицензиясы менен берүүлөрүн уюштура баштаган.
