“Достук Кербени” аттуу акциянын негизги максаты – кароосуз калган, жетим жана мүмкүнчүлүгү чектелген балдарга колдоо көрсөтүү. Ар бир диаспоранын өкүлдөрү Бишкек шаарындагы беш балдар үйүнө азык-түлүк таратышты. Диаспора өкүлдөрүнүн айтымында, өлкө кыйын абалда турганда жардамга муктаж болгон жетимдерге жардам берүү ар бир жарандын милдети.
Карачай, Күрд жана Түрк диаспоралардын өкүлдөрү шаардын Кароосуз калган балдарды реабилитациялоо борборуна барышты. Ал борбордо жашы төрттөн он сегизге чейинки 80 бала жашайт.
Кербен барган убакта өзүнүн бөлмөсүндө отурган Токтокан аттуу 15 жаштагы кызды апасы таштап кеткен. Ал бизге өз колу менен тиккен көйнөгүн көрсөтүп, кийин белгилүү тигүүчү болгусу келгенин айтты.
- Мен тигүүчүлөрдүн сабагына үч айдан бери барып жүрөм. Бул кечки көйнөк. Мен бул көйнөктү эки күн отуруп өз колум менен тиктим. Мен мындай көйнөктү америкалык кинодон көргөм. Дагы бир ак көйнөгүм бар. Аны болсо мода кечесинде кийип көрсөтөм.
Токтокан сымал кароосуз калган өспүрүмдөр Кыргызстанда көп. Кыргызстан Калкынын Ассамблеясынын төрайымы Жаңыл Түмөнбаеванын айтымында, он жети этникалык уюмдар биригишип, азыркы өкмөттүн штабы менен сүйлөшүп, мына ушундай чечим кабыл алган. Өкмөт учурда кароосуз калган балдардын абалы абдан оор, ошондуктан кайрымдуулук иштерин ошолор менен жүргүзүү жакшы болот деп эсептейт.
- Бүгүн бүт кыргыз эли кайгыра турган абалда турабыз. Кыргыз Калкынын Ассамблеясы деп бириккен этникалык уюмдар биринчи күндөн баштап эле элдин арасына кошулуп, жапа чеккендерге жардам берип жүрдү. Өкмөттүн штабына сүйлөшсөм, биздин ата-энеси жок базарларда жүргөн, кулагы укпаган балдар азыр кыйын шартта жашап жатканын айтышты. Анан биз бул жактан он жети уюм чогулуп, ошол балдарга Кербен жөнөтүп жатабыз.
Реабилитация борборунун мүдүрү Алексей Петрушевскийдин айтымында, дары-дармекке бөлүнгөн акчаны алыш үчүн эле ал беш жерден макулдук алышы керек. “Мындай кайрымдуулук акциялар жетим балдарга аябагандай эле жардам берет” деди Алексей мырза.
- Биз айлап дарыга бөлүнгөн акчанын маселесин чече албай жүрөбүз. Ай сайын бизге 4200 сом бөлүнөт. Ошону алыш үчүн мен беш жерге барып кагаз чогултам. Бизге кайрымдуулук кылган адамдар аябай жардам беришет. Дагы бир баса белгилеп кетүүчү нерсе - балдар 18ге чыккан соң бараар жери жок болгондугу. Мамлекет тарабынан ушул жагдай такыр эле эске алынбай калган. Бул жактан кеткенден кийин алар кайра эле ууру болушат, түрмөгө түшөт. Мамлекет он сегиз жыл бою ушул жетимдерден жакшы адам болсун деген аракеттеринин баары текке кетет.
Кыргызстан Калкынын Ассамблеясы мындан кийин да кайрымдуулук иштерин жүргүзмөкчү. Анын мүчөлөрү өлкөдө биримдик болгондо гана анын эли өнүгө алат деген ойдо.
Карачай, Күрд жана Түрк диаспоралардын өкүлдөрү шаардын Кароосуз калган балдарды реабилитациялоо борборуна барышты. Ал борбордо жашы төрттөн он сегизге чейинки 80 бала жашайт.
Кербен барган убакта өзүнүн бөлмөсүндө отурган Токтокан аттуу 15 жаштагы кызды апасы таштап кеткен. Ал бизге өз колу менен тиккен көйнөгүн көрсөтүп, кийин белгилүү тигүүчү болгусу келгенин айтты.
- Мен тигүүчүлөрдүн сабагына үч айдан бери барып жүрөм. Бул кечки көйнөк. Мен бул көйнөктү эки күн отуруп өз колум менен тиктим. Мен мындай көйнөктү америкалык кинодон көргөм. Дагы бир ак көйнөгүм бар. Аны болсо мода кечесинде кийип көрсөтөм.
Токтокан сымал кароосуз калган өспүрүмдөр Кыргызстанда көп. Кыргызстан Калкынын Ассамблеясынын төрайымы Жаңыл Түмөнбаеванын айтымында, он жети этникалык уюмдар биригишип, азыркы өкмөттүн штабы менен сүйлөшүп, мына ушундай чечим кабыл алган. Өкмөт учурда кароосуз калган балдардын абалы абдан оор, ошондуктан кайрымдуулук иштерин ошолор менен жүргүзүү жакшы болот деп эсептейт.
- Бүгүн бүт кыргыз эли кайгыра турган абалда турабыз. Кыргыз Калкынын Ассамблеясы деп бириккен этникалык уюмдар биринчи күндөн баштап эле элдин арасына кошулуп, жапа чеккендерге жардам берип жүрдү. Өкмөттүн штабына сүйлөшсөм, биздин ата-энеси жок базарларда жүргөн, кулагы укпаган балдар азыр кыйын шартта жашап жатканын айтышты. Анан биз бул жактан он жети уюм чогулуп, ошол балдарга Кербен жөнөтүп жатабыз.
Реабилитация борборунун мүдүрү Алексей Петрушевскийдин айтымында, дары-дармекке бөлүнгөн акчаны алыш үчүн эле ал беш жерден макулдук алышы керек. “Мындай кайрымдуулук акциялар жетим балдарга аябагандай эле жардам берет” деди Алексей мырза.
- Биз айлап дарыга бөлүнгөн акчанын маселесин чече албай жүрөбүз. Ай сайын бизге 4200 сом бөлүнөт. Ошону алыш үчүн мен беш жерге барып кагаз чогултам. Бизге кайрымдуулук кылган адамдар аябай жардам беришет. Дагы бир баса белгилеп кетүүчү нерсе - балдар 18ге чыккан соң бараар жери жок болгондугу. Мамлекет тарабынан ушул жагдай такыр эле эске алынбай калган. Бул жактан кеткенден кийин алар кайра эле ууру болушат, түрмөгө түшөт. Мамлекет он сегиз жыл бою ушул жетимдерден жакшы адам болсун деген аракеттеринин баары текке кетет.
Кыргызстан Калкынын Ассамблеясы мындан кийин да кайрымдуулук иштерин жүргүзмөкчү. Анын мүчөлөрү өлкөдө биримдик болгондо гана анын эли өнүгө алат деген ойдо.
