Запорожье: 13 кишинин өмүрү кыйылды, 100дөн ашуун адам жарадар

Орус армиясынын 8-январдын кечинде Украинанын Запорожье шаарындагы аба чабуулунан 13 кишинин өмүрү кыйылды. Жараат алгандардын саны 100дөн ашты. Алардын он чактысынын абалы оор. Запорожье транспорт көп каттаган көчөлөрүнүн бири. Туш тараптан набыт болгондордун сөөктөрүн, жараат алгандарды көрүүгө болот. Орус армиясынын бомбасы жүргүнчүлөр шыкалган трамвайды жана маршруттук таксини бутага алган.