Астана Путинди шаан-шөкөт менен тосту, Украинада кырдаал курчуду

27-ноябрда Орусиянын президенти Владимир Путин Астанага мамлекеттик сапар менен келди. Эртең бул шаарда Жамааттык коопсуздук келишим уюмунун саммити өтөт. Казак менен орус лидерлери жолугушуусу жабык өттү. Путиндин бул сапары Астана Украинадагы соңку кырдаалды эскалация деп мүнөздөп, Казакстанда коопсуздук чаралары күчөтүлгөн учурга туш келди.