Киев Түндүк Кореянын аскерлери Курскиге келгенин билдирди

Орус армиясы Донецк облусунун чыгышындагы украин аскерлеринин логистикалык борбору Покровскинин түштүк тарабындагы Селидово шаарында алга жылууда. Украиналык күчтөрдүн башкы штабы күн сайын бул багыттагы орусиялык чабуул тууралуу маалымат берүүдө. Ал тапта Украинанын аскер чалгын кызматы Орусия түндүк кореялык жоокерлерди Курск облусуна жөнөткөнү тууралуу маалыматы бар экенин билдирди. Путин Пхеньян менен стратегиялык өнөктөштүк тууралуу биринчи жолу комментарий берди.