Сумы: Дрон соккусунан үч киши набыт болду, төрт завод талкаланды
Орус армиясынын соккусунан Сумы облусунда үч кишинин өмүрү кыйылып, көп кабаттуу үйлөр талкаланды. Ал эми украин дрон чабуулунан Орусияда үч спирт, бир каучук заводу, жылуулук электр станциясы жабыркаганын жергиликтүү бийлик билдирди. Ал арада эл аралык коомчулук түндүк кореялык аскерлердин Орусияга жөнөтүлгөнү тууралуу кабарды кескин сынга алууда. Маалыматка караганда, алар андан ары Украинага айдалышы мүмкүн. Сеул катаал жооп кайтарарын убада кылды. Пхеньян бул маалыматты четке какты.