Орусиянын армиясы Украинанын аймактарын абадан бомбалоону улантууда. Улуттар Уюмунун Коопсуздук кеңешиндеги сөзүндө Владимир Зеленский согушту Орусияны мажбурлап гана токтотуу мүмкүн экенин айтты. Тажикстандын жараны орусиялык жаран менен үй-бүлө күтүп, төрт балалуу болгонуна карабай Орусиядан чыгарылганын билдирди. Ага бул өлкөгө кирүүгө өмүр бою тыюу салынды. Кыргызстандын өкмөтү Кызыл-Омполдон титаномагнетит өндүрүү башталганын билдирди. Мурда нааразылыктардан улам чалгындоо токтотулган кенди бул ирет мамлекет өзү иштете турган болду.