Кыргызгидромет борбору билдиргендей, 26-сентябрга караган түнү Чүй, Ысык-Көл облустарынын көпчүлүк аймактарында, Талас, Ош, Баткен, Нарын облустарынын айрым жерлеринде, Жалал-Абад облусунун тоо этектеринде жаан, тоолуу райондорунда жаан, кар, бийик тоолуу райондорунда кар жаайт. Жалал-Абад облусунун өрөөндөрүндө жаан-чачын болбойт.
Күндүз көпчүлүк аймактарда жаан, тоолуу райондордо жаан, кар, бийик тоолуу райондордо кар жаашы, айрым жерлерде жаан-чачын каттуу жаашы мүмкүн. Түндүк-батыштан соккон шамалдын ылдамдыгы секундасына 4-9 метрден, айрым жерлерде 15-20 метрге, Ысык-Көл акваториясынын батыш тарабында 18-23 метрге чейин жетет.
Абанын температурасы:
Чүй өрөөнүндө түнкүсүн 6…11, күндүз 14…19;
Талас өрөөнүндө түнкүсүн 4…9, күндүз 14…19;
Баткен, Ош, Жалал-Абад облустарында түнкүсүн 12…17, күндүз 21…26;
Ысык-Көл облусунда түнкүсүн 6…11, күндүз 13…18;
Нарын облусунда түнкүсүн 4…9, күндүз 14…19 градус жылыйт.
Бишкекте мезгил-мезгили менен жаан жаайт. Түндүк-батыштан соккон шамалдын ылдамдыгы секундасына 4-9 метрге жетет.
Абанын температурасы түнкүсүн 9…11 °, күндүз 16…18 градус жылуу болот.
