Сейсмология институтунун маалымдашынча, 21-июнда, саат 08:13тө Ысык-Көл облусунун аймагында очогундагы магнитудасы 3,5 баллга жеткен жер титирөө катталды.
Жер титирөөнүн очогу Ак-Суу районунун Эчкили-Таш айылынан 25 чакырым, Түп районунун Кең-Суу айылынан 32 чакырым, Каракол шаарынан 103 чакырым аралыкта катталган. Эл жашаган аймактарда силкинүү сезилген эмес.
Баштапкы маалымат боюнча жер титирөөдөн кыйроолор жана жабыркагандар катталган жок.
19-июнда Жалал-Абад облусунун Чаткал районунда очогундагы күчү 4,5 баллга жеткен жер титирөө катталган.
Май айында очогу Казакстанда болгон жер титирөө Кыргызстанда сезилген бир нече учур катталган.
Быйыл январь-февралда Казакстандын, Кыргызстандын аймактарында жер бир нече жолу силкинген.
23-январга оогон түнү саат 00:09да Кытайдын аймагында күчү 8 баллга жеткен жер титирөө катталып, силкинүүнүн толкуну Казакстанда жана Кыргызстанда да сезилген. (ZKo)
Facebook шеринеси