Акыл уют, билим топто, сергек бол

Белгилүү акын, “Азаттыктын” журналисти Бурулкан Сарыгулованын Бишкекте адабий-чыгармачыл кечеси болуп өттү. Саамалыкта акындын үч китебинин бет ачары болду. “Мендеги мезгил” китебине соңку кезде жазган ырлары, “Уютку кеп” китебине журналисттик ишиндеги улут, коом, заман, тагдыр тууралуу маектеринин топтому камтылган. Мындан сырткары акындын ТҮРКСОЙ уюму түрк тилинде чыгарган “Жолдогу ойлор” китеби да окурмандарга сунушталды.