Украина: НАТО Орусияны жеңүүнү, Рим папасы сүйлөшүүнү туура көрөт

Орусиянын Коргоо министрлиги жети аймакта 25 дрон атып түшүрүлгөнүн билдирди. Аскердик блогерлер Украина менен чектешкен Белгород жана Курск облустарында диверсанттар менен кагылышуулар болгонун жазып жатышат. Бул арада орус армиясы Украинанын аймагына аба чабуулун улантууда. Ал эми НАТОнун баш катчысы Йенс Столтенберг Украинаны жеңсе, Москва башка мамлекеттерге да кол салышы мүмкүн экенин эскертти.