“Бишкекасфальтсервис” муниципалдык ишканасы шаардагы жолдордун чуңкурларын жамоо иштерин жүргүзүүдө. Бул тууралуу мэриянын басма сөз кызматы кабарлады.
Маалыматка караганда, учурда Иса Ахунбаевдан Достоевский көчөсү жасалууда. Буга чейин Байтик-Баатыр, Аалы Токомбаевдан Лев Толстой көчөсүнө чейин, Жусуп Абдрахманов көчөсүндө чуңкурлар жабылды.
Алдыда Жусуп Абдрахманов көчөсүн бойлой Чүй жана Жибек-Жолу проспектилеринин ортосундагы тилкени бүтүрүү пландалууда.
Мэриянын маалыматында, Байтик-Баатыр жана Жусуп Абдрахманов көчөлөрүндө 2001-2003-жылдары капиталдык оңдоо иштери жүргүзүлүп, жолдун үстүн жабууга кепилдик мөөнөтү беш жыл болгон.
Бишкекте жаз келгени айрым борбордук көчөлөрдүн жолдору тешилип, аң-чөнөктөр көбөйүн социалдык тармактарда жазып, сүрөт-видеолорун жарыялап жатышат. (TSh)
