Украина: Авдеевкадагы ири заводду орус күчтөрү ээледи

19-февралда орус аскерлери Украинанын Авдеевка шаарындагы ири химиялык заводду толугу менен өз көзөмөлүнө алганын билдирди. Муну менен алар бул багыттагы ийгилигин бекемдөөгө жетишти. Орусия коңшусуна каршы согуш баштаганынын эки жылдыгы алдында украин жоокерлери таш-талканы чыккан шаарды калтырып кеткен. Ал тапта Донецк облустук прокуратурасы Авдеевкада куралсыз украиналык согуш туткундарын өлтүрүшкөн деген маалыматты текшере баштады.