7-февралда катуу шамал Талас районунун Осмонкулов айыл аймагындагы айрым имараттардын чатырын учуруп кетти. Бул тууралуу "Азаттыкка" Талас райондук өзгөчө кырдаалдар бөлүмүнүн башчысы Эмил Курманбаев билдирди.
Учурда шамалдын кесепеттери жана чыгымдары такталууда.
Осмонкулов айыл өкмөтүнөн билдиргендей шамал Ак-Коргон айылындагы бир нече үйдүн жана мектептин чатырын учурган. Ошондой эле Талды-Булак айылындагы М.Туйтунов атындагы орто мектебинин бир нече чатырын учуруп кеткен.
7-февралда Өзгөчө кырдаалдар министрлиги Бишкек жана Чүй облусунун аймагында ылдамдыгы секундасына 15-20 метрге жеткен катуу шамал болорун эскерткен. (MKt)
Дагы караңыз
