Дүйшөмбү: Кыргыз-тажик чек арасынын 90% сүйлөшүлдү

Төрт айда Кыргызстан менен Тажикстандын мамлекеттик чек арасынын 196 чакырымы боюнча макулдашылып, жалпы чек аранын 90% сүйлөшүлгөнүн тажик президентинин сайты жазды. Бишкек жылуулук борборундагы жарылуу 14-отказандын жанындагы көмүрдү майдалаган тегирменде болгону расмий кабарланды. Ошто дарыгерлерди сабаган деп шектелген 33 жаштагы жаран убактылуу кармоочу жайга камалды. Оорукана жетекчилиги токмоктолгон дарыгерлерге шектүүнүн жакындары басым жасап жатканын айтууда. Вашингтон Жакынкы Чыгыштагы иранчыл топторго каршы операцияларын улантаарын билдирди.