Украина: Орусия Түндүк Кореянын ракеталарын учурду

Жогорку Кеңеш депутат Эмил Жамгырчиевди кылмыш жоопкерчилигине тартууга уруксат берди. Атайын кызмат аны чек арадан мыйзамсыз өткөн жана коңшу Өзбекстандагы кримтөбөл "Салимбай байбачага" жардам сурап, кат жазган деп айыптады. Эл өкүлү өзү кайда экени белгисиз. Элүүдөй мамлекет Орусиянын Түндүк Кореядан алган баллистикалык ракеталар менен Украинага чабуул койгонун айыптады. Улуттар Уюму украин элинин дээрлик жарымы гуманитардык жардамга муктаж болорун белгиледи. Ишкер Имамидин Ташов атайын кызматтын адамдары аны сегиз күн кармап, акча талап кылганын айтып чыкты. Улуттук оопсуздук кызматынын төрагасы Камчыбек Ташиев бул айыптоолорду төгүндөп, ишкерди "мамлекетте төңкөрүш жасоого даярданып жаткан" деп айыптады.